Euskadiko Filmategian gordetzen diren funts ugariaren artetik, 7.000 ikus-entzunezko dokumentu baino gehiago katalogatu eta erabiltzaileen eskura jarri dira, gure ikus-entzunezko obren katalogoan.
Mota guztietako materialek osatzen dute ikus-entzunezkoen bilduma: euskarri fotokimikoko filmak urrats guztietan, formatu bideografikoak eta fitxategi digitalak zenbait formatutan.
Askotariko edukiak dituzte ikus-entzunezko materialek, eta, fikziozko eta ez-fikziozko film komertzialez gainera, etxeko zinemako film ugari ere badaude, Filmategiak urtero jasotzen dituenak, gordetzeko eta digitalizatzeko.
Liburutegiko funts bibliografikoa 8.000 ale baino gehiagok osatzen dute. Argitalpen horiek izaera desberdinekoak dira.
Euskadiko Filmategiaren bilduma ondorengo lanez osatuta dago: erreferentzia-obrak, monografiak, entseguak; eskuliburu teknikoak, gidoiak eta baita zinema-aldizkari ugari ere (antzinakoak zein gaur egungoak).
Euskadiko Filmategia bere funts bibliografikoen katalogazioa burutzen ari da, beraz, momentuz, orain arte katalogatutako lanak bakarrik kontsultatu ahal izango dira. Dena dela, bila zabiltzan alea ez baduzu aurkitzen, eskaera egin dezakezu jarraian dagoen formularioa beteta.
Katalogoa