Pelikula hau Filmoteca de Zaragozak zaharberritu zuen 1997an, Peio Aldazabalen (Euskadiko Filmategia) eta Ana Marquesanen (Filmoteca de Zaragoza) gainbegirapean.
San Mames futbol-zelaiaren inaugurazio partiduaren irudiak dira, 1913ko abuztuaren 21ean izandako ekitaldian grabatutakoak. Bilboko Athletic Club eta Irungo Real Racing taldeek jokatu zuten partidu hura. Gol banako berdinketarekin amaitu zen partidua eta golak Rafael Moreno (Bilboko Athletic Club) eta Patricio Arabolaza (Irungo Real Racing) jokalariek sartu zituzten. Ekitaldi horren inguruan dauden ikus-entzunezko irudi bakarrak dira hauek.
