Dokumentalak 70eko hamarkadaren amaierako lurraldeko ohiturak erakusten ditu eta garai hartako Gipuzkoako errealitate sozial eta kulturala jasotzen duen dokumentu etnografiko bat da.
Pelikula 1976 eta 1979 artean filmatu zen eta Donostiako Aurrezki Kutxak enkargatu zuen, finantza-entitatearen mendeurrena zela medio. Documentos Culturales de Euskadi (Euskadiko Kultur Dokumentuak) sailean sartu zen. Zortzi partetan dago banatuta: Gizona, Harria, Belardiak, Zuhaitza, Nekazaritza, Burdina, Itsasoa eta Hiriak.
Filma Euskadiko Filmategiaren sail teknikoak digitalizatu du, bere artxiboan gordeta dagoen kopia batetik abiatuta. Lanaren gaineko eskubideak, berriz, Kutxa Fundazioarenak dira.
