Eusko Jaurlaritzaren eta Gipuzkoako Foru Aldundiaren laguntzarekin, eta Peio Aldazabalen (Euskadiko Filmategia) gainbegiradarekin, 2002an zaharberritutako pelikula da.
Bizkaiko Plentzia udalerriko irudiak ageri dira: hiriaren ikuspegia itsasadarretik begiratuta, Astillero plaza, agintariak musika bandaren atzetik herriko alde zaharra zeharkatzen, haurrak hondartzan jolasten eta Gorlizeko erietxea. Era berean, 1927ko irailaren 1ean ospatutako San Antolin bezperako irudiak ageri dira. Irudiotan Plentziako Santa María Magdalena eliza eta merkatua bereizten dira.
