2016/10/21
Euskadiko Filmategia zinemagile irundarrari buruzko liburu bat prestatzen ari da.
1934an Irunen jaiotako zinema zuzendari, muntatzaile eta argazkilaria. Gaztetatik musikarekiko interesa izan zuen. 1950an Alaiki abesbatza sortu eta zuzendu zuen, eta 1959an, berriz, Irundar Kamara Abesbatza. Néstor Basterretxea eta Jorge Oteiza adiskide eta artistekin partekatzen zuen zinemarekiko grinak, bere lehen filma burutzera bultzatu zuen 1963an: Operación H. Film hori Juan Huarte industrialariaren finantziazioari esker egin zuen Néstor Basterretxearekin batera. Lan honen ondoren, Larruquertek eta Basterretxeak Frontera Films Irún S.A produkzio-etxea sortu zuten, eta bi film labur egin zituzten: Pelotari (1964) eta Alquezar, retablo de pasión (1966).
1968an, Larruquertek eta Basterretxeak Ama Lur filma estreinatu zuten, euskal zinemagintzan funtsezko film bilakatu dena. Hamarraldi batera, 1978an, Larruquertek euskal musika herrikoiaren inguruko film bat zuzendu zuen: Euskal Herri Musika. 1981ean, irundar zinemagileak Agur Everest (Namasté, Chamo Longmu) estreinatu zuen. Bertan, 1980an Everesteko gailurra egin zuen espedizioaren gorabeherak kontatzen dira. Aldi berean, Larruquert argazkilari eta muntatzaile gisa aritu zen hainbat euskal ekoizpenetan:
90.hamarraldi hasieran, zinema mundua utzi zuen behin betiko eta Irunen kokatutako argazki dendan jarraitu zuen lanean.
Euskadiko Filmategia egun Fernando Larruquerti buruzko liburu bat prestatzen ari da. Carlos Roldánek eta Juanmi Gutiérrezek idatzitako argitalpenak zinemagile irundarrari egindako zenbait elkarrizketa bilduko ditu.
