2016/12/09
Donostia 2016rekin lankidetzan aurten abiatutako “Zinema solasaldiak” egitasmoari amaiera bikaina emango diogu Costa-Gavras eta Imanol Uribe zinemagileekin. Abenduaren 10ean zinemaz solas egingo dute, 18:00etan, Tabakalerako Z Aretoan; eta euren zenbait filmek ere hala egiten jarraituko dute martxora arte. Orain dela gutxi zaharberritu dituzten Costa-Gavrasen lehen bost filmak programatuko ditugu; eta Imanol Uriberen beste lau, horien artean El proceso de Burgos (1979) eta La muerte de Mikel (1983) filmen kopia berriak proiektatuko ditugu.
